Estimados
compañeiros, o mércores día 15 ás 19:00, inauguramos a nosa exposición de
fotos. A este evento estades convidados todos os socios e "amigos" do
Sotavento.
Este ano a
diferenza de anos anteriores, a exposición realízase coa colaboración do Concello de Sanxenxo. A sala que poñen á nosa
disposición é a Sala Nauta, á beira da
oficina de Turismo de Sanxenxo, no mesmo náutico. A exposición será a mellor
que temos ata o momento, xogando cos diferentes formatos das fotografías e
realizando un percorrido pola variedade cromática que nos dan as diferentes
imaxes que presentamos.
Na
inauguración aproveitaremos para saudarnos e pasar un intre agradable,
contándonos as "batallitas" dos últimos meses. Na mesma, estarán
presentes os competidores do Club aos que poderemos preguntar as dúbidas e
pormenores das diferentes disciplinas de actividades subacuáticas.
A
exposición estará de forma permanente do día 15 ao 31 de xullo en horario continuo de
L- S de 9:00 a 21:00 e o domingo de 9:00 a 14:00. Se non podedes vir á
inauguración, non deixedes de pasarvos noutro momento.
Asociada a
esta Expo, realizaranse outras
actividades:
- XIV campionato galego de cazafotosub en apnea. Tedes máis información picando AQUÍ.
- Tamén contaremos o día 31 con JORGE CANDÁN campión do mundo de vídeo submarino nos anos 2010 e 2019. Proxectaranse na Praza dous Barcos no Náutico de Sanxenxo uns vídeos seus nunha pantalla xigante ao aire libre ás 22:30 horas. SON IMPRESIONANTES, animarvos a asistir.
- Durante o mes de setembro, realizaranse uns talleres de iniciación á apnea na piscina de Portonovo. Se estades interesados, podedes pedir máis información no mail clubsotavento@gmail.com
Lembrar
que debemos as medidas de seguridade en todo momento, a máscara será
obrigatoria para entrar e debemos respectar a distancia de seguridade. Debemos
ser un exemplo para a sociedade. Grazas.
Animarvos
a participar ou asistir aos eventos, están organizados para todos vós. VÉMONOS
POR SANXENXO
No hay comentarios:
Publicar un comentario