18 noviembre 2026

Un 2026 histórico para o Club Subacuático Sotavento no panorama nacional e internacional!

A temporada 2026 chega á súa recta final e desde o Club Subacuático Sotavento non podemos sentirnos máis orgullosos. Ao longo de todo o ano, os nosos deportistas estiveron presentes en practicamente todas as grandes citas do calendario nacional e internacional, demostrando o altísimo nivel e a versatilidade do noso club en disciplinas tan esixentes como a apnea, o cazafotosub en apnea e a pesca submarina.

A continuación, repasamos o percorrido dos nosos representantes durante este inesquecible 2026:

Arrancamos en piscina: Campionato de España de Apnea Indoor (Elche)

O calendario nacional deu o pistoletazo de saída os días 18 e 19 de abril na piscina de Elche (Alacante) coa celebración do XXV Campionato de España de Apnea Indoor FEDAS.
Nesta cita de piscina (probas estática e dinámicas), o noso club estivo magnificamente representado por Lorena e Aurora, quen deixaron patente a súa gran preparación física e mental fronte á elite nacional.

De ti a ti coa elite: Campionato de España Individual de Pesca Submarina (Cádiz)





A finais de xuño, do 25 ao 27, as esixentes augas de Cádiz acolleron o LXIX Campionato de España de Pesca Submarina Individual. Alí defenderon as cores do Sotavento e de Galicia Aurora e Isa na categoría feminina, e Jacobo e Toni na categoría masculina, enfrontándose a dúas intensas xornadas fronte aos mellores pescadores submarinos do país.

Rumbo ás profundidades: Campionato de España de Apnea Outdoor (Tenerife)


Tralo verán, o foco da apnea trasladouse ao mar. Do 4 ao 6 de setembro, a localidade tinerfeña de Radazul foi o escenario do VIII Campionato de España de Apnea Outdoor. Lorena representou ao Club Sotavento nas probas de profundidade en augas abertas, asinando unha gran experiencia no Atlántico canario.



O futuro pisa forte: Subcampionato de España Sub-23 de Pesca Submarina (Mallorca)

Os días 25 e 26 de setembro, as augas de Can Picafort reuniron ás novas promesas do país no Campionato de España Sub-23 de Pesca Submarina. O noso club brillou con luz propia grazas á extraordinaria actuación de Eder, quen se proclamou Subcampión de España.




Versatilidade na auga: Campionato de España de Cazafotosub

A polivalencia dos nosos socios tamén quedou demostrada no Campionato de España de Cazafotosub, integrado dentro do programa dos Xogos da Auga. Luigi, Fernando, Aurora e Héctor gozaron e competiron ao máximo nivel nesta modalidade que combina a técnica da apnea coa destreza na fotografía submarina.




Presenza internacional no Campionato Euroafricano (Montenegro)


Outro dos momentos máis especiais da temporada tivo lugar do 23 ao 25 de outubro nas augas de Bar (Montenegro). O Club Sotavento tivo representación internacional da man de Aurora e Toni no Campionato Euroafricano de Pesca Submarina, levando o nome do noso club e de Galicia a unha cita continental de máxima esixencia.



Broche de ouro no Campionato de España por Equipos (Murcia)

Os pasados 6 e 7 de novembro, San Pedro del Pinatar (Murcia) acolleu o XLIV Campionato de España de Pesca Submarina por Equipos, a última gran cita nacional do calendario. Nesta edición tivemos o enorme privilexio de que a Selección Galega absoluta estivese formada integramente por dous conxuntos do noso club: o equipo integrado por Jacobo, Diego e Héctor, e o equipo formado por Toni, Filipe e Juan Luis.

Open Internacional de Pesca Submarina Sub-23 (Tenerife)

Estes días temos á gran promesa do club, Eder, convocado coa Selección Nacional Sub-23 de pesca submarina en Tenerife. Estamos seguros de que nos dará unha gran alegría!


Desde a directiva e toda a familia do Club Subacuático Sotavento queremos felicitar a todos os deportistas, barqueiros e colaboradores que fixeron posible esta espectacular temporada. Cada desprazamento, cada xornada de adestramento e cada campionato reforzan os valores que nos unen dentro e fóra da auga.

Queremos agradecer novamente a todas as entidades que colaboran connosco: Concello de Pontevedra e Deporte Pontevedra, Deputación de Pontevedra e Xunta de Galicia. Tamén dar as grazas ás tendas que nos axudan na tramitación de licenzas, Náutica Calviño e Deportes Omar, e a esa marca que cada vez que lle pedimos algo sempre está aí apoiando ao Club: grazas, Cressi España!

Parabéns a todos! Seguimos remando xuntos e orgullosos de ser Sotavento!